Kituo cha Sayansi na Utamaduni cha Urusi (Jumba la Urusi) kimeadhimisha Siku ya Ulinzi wa Taifa kwa kuandaa hafla maalum yenye lengo la kuwapatia vijana wa Kitanzania uelewa kuhusu siku hiyo muhimu kwa taifa la Urusi.
Katika hafla hiyo, waandaaji walieleza historia na umuhimu wa siku hiyo, wakisisitiza nafasi yake katika kuwaenzi wote waliolitumikia na wanaoendelea kulilinda taifa hilo. Washiriki walipata maelezo kuhusu maadili yanayohusishwa na maadhimisho hayo, yakiwemo uzalendo, uwajibikaji na utayari wa kuitetea nchi, familia na wapendwa wao.
Mapema leo katika hotuba yake ya maadhimisho ya siku hiyo, Rais wa Urusi Vladimir Putin alisisitiza umuhimu wa kihistoria wa maadhimisho hayo, ambayo kwa miongo mingi yamekuwa miongoni mwa sikukuu kuu za kitaifa nchini Urusi. Alisema tarehe hiyo inaakisi heshima na shukrani za dhati za wananchi kwa wale waliotoa maisha yao kulitumikia taifa na kulinda uhuru na usalama wake. Rais huyo pia alikumbusha kuwa mwaka 2026 umetangazwa kuwa Mwaka wa Umoja wa Watu wa Urusi, akisisitiza mshikamano wa kihistoria wa makabila na dini mbalimbali nchini humo.
Maadhimisho hayo katika Kituo cha Sayansi na Utamaduni cha Urusi yalihitimishwa kwa mashindano ya michezo, ambapo washiriki walipimana uwezo wa kujibu maswali na uwezo wa kuzungumza lugha ya Kirusi.
