Zaidi ya watu 50,000 wameandamana mjini Turin, Italia, kupinga hatua ya polisi kuwafukuza wanaharakati na kufunga kituo cha kijamii cha mrengo wa kushoto kinachojulikana kama Askatasuna.
Waandamanaji wamesema serikali imevunja eneo hilo la kitamaduni na kijamii lililodumu kwa miaka mingi, wakidai hatua hiyo inalenga kutishia na kukandamiza upinzani uliopangwa.
Maandamano hayo yaligeuka kuwa na makabiliano makali karibu na eneo hilo usiku wa Jumamosi, huku polisi wakisema maafisa 31 walijeruhiwa na watu 10 walikamatwa baada ya vurugu kuzuka wakati wa maandamano.
Askatasuna imekuwa ikitajwa kama kitovu cha harakati za mrengo wa kushoto mjini Turin kwa miongo kadhaa. Tukio hili pia linaelezwa kuwa sehemu ya kile kinachoonekana kama ukandamizaji mpana chini ya serikali ya Waziri Mkuu Giorgia Meloni, dhidi ya maeneo huru ya kijamii na maandamano ya kupinga serikali.
Chanzo; Cnn
