Waandamanaji waliendesha mgomo wa “hakuna kazi, hakuna shule, hakuna ununuzi” kote Marekani kupinga msako wa wahamiaji unaofanywa na utawala wa Trump.
Baadhi ya shule huko Arizona, Colorado na majimbo mengine zilifuta masomo mapema jana Ijumaa kwa kutarajia wanafunzi wengi kutohudhuria.
Maandamano hayo, yanafanyika huku kukiwa na hasira kubwa kufuatia mauaji ya Alex Pretti, muuguzi wa wagonjwa mahututi ambaye alipigwa risasi mara kadhaa baada ya kutumia simu yake kurekodi maafisa wa Ulinzi wa Mpaka wakifanya operesheni ya kuwakamata wahamiaji mjini Minneapolis.
Kifo hicho kimeongeza ukosoaji kuhusu mbinu za utawala wa Trump, kufuatia kifo cha Januari 7 cha Renee Good, aliyepigwa risasi na afisa wa Uhamiaji na Forodha (ICE) wakati akiwa ndani ya gari lake.
Chanzo; Dw
