Yanga SC wametwaa ubingwa wa NMB Mapinduzi Cup 2026 baada ya kuichapa Azam FC kwa mikwaju ya penalti 5-4, kufuatia sare tasa ya 0-0 ndani ya dakika 90 za mchezo wa fainali uliopigwa kwenye Uwanja wa Gombani, Pemba.
Mchezo huo ulikuwa wa ushindani mkubwa, huku timu zote zikionesha nidhamu ya kiuchezaji na kutengeneza nafasi kadhaa, lakini bila kufunga bao. Baada ya muda wa kawaida na nyongeza kumalizika bila bao, penalti zilitumika kuamua bingwa.
Yanga walionesha utulivu mkubwa kwenye mikwaju ya penalti na kufanikiwa kutwaa taji hilo kwa mara ya kihistoria, wakiendelea kuonesha ubora wao katika soka la ndani.
Kwa ushindi huo, Yanga SC wanaongeza taji jingine katika kabati lao na kuanza mwaka 2026 kwa mafanikio.
Chanzo; Mwananchi
