Rasmi sasa klabu ya Real Madrid yabadili rasmi jina la uwanja, neno Santiago limeondolewa, sasa unaitwa Bernabéu tu
Real Madrid imetangaza mabadiliko makubwa ya chapa ya uwanja wake wa nyumbani. Uwanja wa “Estadio de Santiago Bernabéu” sasa rasmi unaitwa Bernabéu, hatua ambayo ni sehemu ya mkakati wa masoko na kuijenga chapa ya kimataifa. 
Mabadiliko ya jina yamefanyika kwa madhumuni ya kibiashara, ambapo klabu imefupisha jina rasmi kuwa “Bernabéu” ili liwe rahisi kutambuliwa na kuvutia wadau wa kimataifa. 
Nembo mpya (logo) ya uwanja imetengenezwa ikionyesha muundo wa kisasa wa facade ya uwanja uliorekebishwa, na jina jipya limewekwa kwa umbo fupi na lenye uzito wa chapa (“brand”). 
Uamuzi huu unajumuisha mpango wa kuifanya Bernabéu kuwa kituo cha kimataifa cha burudani — si tu kwa mechi za soka, bali pia matukio mengine kama michezo ya NFL na tamasha zitakazofanyika uwanjani. 
Ujenzi wa uwanja umekamilika hivi karibuni na kuongeza sehemu mpya za burudani, mikahawa na maeneo ya wageni, ili kuongeza mapato kwa klabu.

Kwa upande mwingine, baadhi ya mashabiki wameonyesha wasiwasi kwa mabadiliko haya, wakisema kuondoa “Santiago” kunaweza kupoteza hisia ya kihistoria na urithi wa jina la zamani. 
Mwishoni: Real Madrid inaelezea kuwa mabadiliko haya hayajasahau mchango wa Santiago Bernabéu kubuni na kuendeleza klabu, lakini linaangalia zaidi mbele kwenye ukuaji wa kimataifa na matumizi ya uwanja kama kituo cha burudani cha daraja la juu.
Chanzo; Bongo 5
